Filetsäuli

Kennid er scho öseri Filetsäuli?

Nei? Denn los zom Chitzele go Säuli poschte.

Zom sölber mache bruchid ee:

1 Schweinsfilet-Medaillon gwözt mitem Chitzelegwöz
E betzeli Brät mit Pistazie ond Schinkewöfeli
2 Trachen vom Landrauchschinke
Ond denn no Blätterteig zom Verpacke ond Wiibeili zom verziere

Eso machids me: Me tüend s Brät mit de Pistazie ond de Schinkewöfeli mische ond uf de Landrauchschinke vertäle. Denn chont s Filet (vom Metzger zueschnide loh) id Metti on s ganz wet wie en Schnegg ufgrollet. De Blätterteig ca. 20x20cm zueschnide ond oms Päckli om wickle.

Zom Verziere zwä Kreisli vom Blätterteigrest usseche. 1 Kreisli wet als Nase ganz drufklebet ond s ander wet halbiert ond zo chline Öhrli gformet ond chli ob de Nase befeschtigt. Fählid no d Auge ond s Schwänzli. Föd Auge zwä Wiibeili ob de Nase heritue ond s Schwänzli usforme mit chli Teig ond ringelförmig höne animache. Jetzte söts usgsieh wie e Säuli. Das schö goldbrun wet bim bache, no chli mit Eigelb bestriche.

Fetig ischs Filetsäuli. Da wet bi 180°C ca. 25 Minute usibache.

Verschneiti Grüess

Andrea